Þann 6. nóvember næstkomandi fögnum við 160 ára afmæli bókasafnsins. Af því tilefni verðum við með opið hús laugardaginn 2. nóvember frá kl. 11 - 14.

Það verður mikið um að vera á Vökudögum á bókasafninu. Hér má sjá dagskrána.

Mánudaginn 23. september ætlar rithöfundurinn Guðrún Jónína Magnúsdóttir að koma og kynna bók sína Rokið í stofunni. Kynningin hefst kl. 17:00 og öll eru boðin hjartanlega velkomin.

Foreldramorgnar hefjast nú á fimmtudaginn. Stefnt er að því að bjóða upp á viðburði í vetur en það verður auglýst síðar. Við erum með hóp á Facebook: Foreldramorgnar á Bókasafni Akraness.

Glæpafár á Íslandi. Í tilefni af 25 ára afmæli Hins íslenska glæpafélags er boðið upp á æsispennandi viðburði tengda íslenskum glæpasögum og glæpasagnaritum á almenningsbókasöfnum vítt og breitt um landið. Fimmtudaginn 5. september ætlum við að vera með glæpakviss undir stjórn Gurrýjar Haralds. Öll hjartanlega velkomin!

Bókasafnið verður lokað 22. - 23. ágúst vegna þrifa.

Húllum - hæ lokahátíð sumarlesturins. Í tilefni þess hve allir hafa verið duglegir að lesa í sumar, þá efnum við til lokahátíðar milli klukkan 14:00 og 16:00 fimmtudaginn þann 15. ágúst. Þar sem boðið verður uppá hinar ýmsu þrautir til að leysa í anda minute to win it. Hinar ýmsu kynjaverur mæta til að sjá og sýna sig, þar má nefna álfa, tröll, skrímsli og dýr. Um miðbik hátíðarinnar mæta sérstakir gestir til að hjálpa til við að draga út sex sumarlesturs vinningshafa. Það er því um að gera að koma sem fyrst og skila inn lestrinum en síðasti dagur til að skila því er þriðjudagurinn 13. ágúst. Öll velkomin og hvetjum við sérstaklega alla sumarlestrarkrakka til að mæta. Es. það má mæta í búning

Harry Potter á afmæli 31. júlí. Af því tilefni ætlum við að bjóða uppá Harry Potter föndurgerð á milli 13:00-16:00 ásamt fleiru, fylgist með. Safngestir hvattir til að mæta í búningum. Kíkið við, alltaf heitt á könnunni, spil, púsl og kubbar, ásamt nýju lesefni, tímaritum og dagblöðum. Öll velkomin

Í tilefni opnun sýningarinnar sem var sl. fimmtudag kemur Eyþór Guðmundsson í heimsókn þann 11. júlí kl. 14:00 og segir okkur söguna á bak við Old Icelandic Books. Eyþór Guðmundsson ólst upp í Leirársveit, nánar tiltekið á Beitistöðum en þar var prentsmiðja landsuppfræðingafélagsins fyrir rúmum 200 hundruð árum síðan. Frá unga aldri hefur einhver taug verið milli hans og þeirrar sögu sem er þar að baki. Hann byrjaði að grafast fyrir um og safna fornbókum fyrir um sex árum síðan og þá með sérstaka áherslu á þær sem voru prentaðar á Leirárgörðum og á Beitistöðum. Fljótlega eftir að hann fór að safna fornbókunum markvisst þá aflaði hann sér þekkingar á varðveislu þeirra meðal annars hvernig skal meðhöndla þær með tilliti til hreinsunar, viðgerðar og innbindingar. Með þessu móti hefur hann bjargað miklum fjölda fornbóka. Í einkasafni Eyþórs eru þó ekki eingöngu bækur úr Leirársveitinni heldur einnig frá Viðeyjarklaustri, Hrappsey í Dalasýslu, Hólum í Hjaltadal og Skálholti. Einkasafnið telur um 500 hundruð eintök og eru sumar mun fágætari en aðrar og má þar nefna meðal annars Nýtt Lesrím frá Beitistöðum en eingöngu er þar vitað um fimm önnur eintök. Auk þess er að finna Tilskipun danakonungs um að leggja niður Alþingi íslendinga, en eingöngu er vitað um tvö önnur eintök.

Við ætlum ekki að skilja neinn útundan og því höfum við einnig sett af stað sumarlestur fyrir fullorðna (19 ára og eldri). Hann stendur til 1. september, dregið verður úr þátttökumiðum 2. september. Einn þátttökumiði fyrir hverja bók sem lesin er á tímabilinu 1. júlí - 1. september. Hægt er að fylla út miða á safninu eða hér: https://forms.office.com/e/E51rYitGq1