Það er okkur sönn ánægja að tilkynna að við höfum sett á laggirnar sumarlestur fyrir ungmenni, 13-18 ára, sem stendur til 1. september. Þann 2. september verður dregið úr þátttökumiðum og fær vinningshafi gjafabréf í Pennanum Eymundsson. Einn þátttökumiði fyrir hverja bók sem lesin er á tímabilinu 1. júlí - 1. september. Hægt er að fylla út miða á safninu eða hér: https://forms.office.com/e/vGmHzjk7xU

Írsk föndursmiðja fyrir börn á öllum aldri. Alls konar grænt, hvítt og appelsínugult föndurefni í boði til að gera skraut, þar á meðal írska fána, barmmerki, fléttur, bókamerki og margt fleira. Öll velkomin.

Komdu á bókasafnið og fáðu afhenta lesbók. Bókasafnsskírteini eru ókeypis fyrir börn. Ef þú átt ekki skírteini kemur þú með foreldri/forráðamanni til að fá skírteini í fyrsta sinn. Sumarlesturinn hefst 3. júní og stendur til 13. ágúst. Húllum-hæ lokhátíð verður 15. ágúst. Vertu með!

Það verður nóg um að vera hjá okkur í apríl. Bókaormarnir hittast, sem og stóri leshópurinn, Manga-klúbbarnir halda áfram, karlaspjallið og foreldramorgnarnir verða á sínum stað o.s.frv. Þetta má allt sjá á dagatalinu hér til hliðar (smellið á það til að stækka). Apríl er síðasti mánuðurinn sem við höfum opið á laugardögum svo það er um að gera að nýta sér það til hið ítrasta og mæta hvern laugardag enda alltaf eitthvað skemmtilegt í boði. Verið velkomin til okkar alla daga, við tökum vel á móti ykkur :) Gleðilegan apríl!

Í tilefni þess að Eva Björg Ægisdóttir er bæjarlistamaður Akraness langar hana að bjóða upp á kvöldstund þar sem hún fer yfir helstu atriðin í glæpasagnaskrifum, hvernig best sé að skipuleggja skrifin, ferlinu við að gefa út bók og margt, margt fleira. Ef þú hefur gengið með glæpasögu í maganum er tilvalið að mæta og fá innsýn í glæpasagnaskrif og allt sem því fylgir. Hvar: Bókasafn Akraness Hvenær: Fimmtudaginn 14. mars, kl. 20.00 Skráning á netfangið evabjorg9@gmail.com eða í skilaboðum hér á Facebook. Takmarkað pláss í boði.

Hjá okkur er aðstaða til að setja upp sýningar á veggjum, í sýningarkössum, á göflum bókahilla og fleira. Sýningar standa að jafnaði yfir í um fjórar vikur og eru þær opnar á afgreiðslutíma safnsins. Sýningaraðstaðan er lánuð endurgjaldslaust. Við mat umsókna er farið eftir hvernig sýning hentar sýningaraðstöðu safnsins og fjölbreytileika sýninga.

Dagskrá janúarmánaðar

Hér birtist dagskráin okkar fyrir nóvember.

Listasýningin Skapandi straumar er samsýning fjögurra kvenna. Angela Árnadóttir sýnir olíuverk, Arndís Magnúsdóttir verður með ljóð í gylltum ramma, Guðný Sara Birgisdóttir vinnur með innsetningar, skúlptúra og tvívíð verk og Valgerður Magnúsdóttir sýnir bútasaumsverk. Opnun sýningarinnar er föstudaginn 13. október kl. 16. Verið hjartanlega velkomin.

Safnið verður lokað fimmtudaginn 21. september vegna þrifa.